Харвардын их сургууль анх удаа $87 саяын үнэлгээ бүхий Этэриум худалдан авснаа зарлалаа.
Ингэснээр тэд өөрсдийн эзэмшиж буй $265 саяын Биткойноос гадна дахин крипто хөрөнгө оруулалт хийж буй нь дижитал хөрөнгүүдийг илүү өргөн хүрээнд хүлээн зөвшөөрч буйг харуулж байна.
Биткойн болон Этэриумыг хослуулан эзэмших нь Харвардын эрсдэлийг хуваарилах олон талт хөрөнгө оруулалтын стратеги хэмээн шинжээчид үзэж байна. Сонирхолтой нь, Binance-ийн үүсгэн байгуулагч Чанпэн Жао олон нийтийн сүлжээндээ "Дараагийнх нь юу байх бол? Алткойнууд уу?" хэмээн хошигнон асуужээ.
2018 онд АНУ-ын цөөн хэдэн их сургуулийн туршилтын шинжтэй эхэлсэн энэхүү хөрөнгө оруулалтын чиг хандлага өдгөө дэлхийн хэмжээний их сургуулиудын урт хугацааны стратегийн бодлого болон тэлж, крипто салбарын институцийн хүлээн зөвшөөрөлтийг улам бэхжүүлж байна.