Coinbase-ийн Гүйцэтгэх захирал Брайан Армстронг АНУ-ын Конгресст хандан криптовалютын салбарын анхны иж бүрэн зохицуулалт болох “CLARITY Act”-ийг яаралтай батлахыг уриаллаа.
Энэ сард батлагдах хүлээлттэй байсан уг хуулийн төсөл нь стэйблкойны өгөөж, урамшуулалтай холбоотой маргааны улмаас Сенатын шатанд түр саатаад байна.
Өмнө нь уг хуулийн төсөлтэй холбоотой болгоомжлол илэрхийлж байсан Армстронг хэдэн сарын турш үргэлжилсэн хэлэлцээрийн үр дүнд хууль хангалттай "хүчирхэг" болж, дэмжих бүрэн боломжтой болсон гэж мэдэгдлээ. Тэрээр дижитал хөрөнгийн салбарын урт хугацааны өсөлт болон хууль ёсны байдлыг баталгаажуулахад уг зохицуулалт нэн чухал гэдгийг онцоллоо.
Цаашлаад АНУ-ын Сангийн сайд Скотт Бессент уг хуулийг шуурхай батлахыг дэмжиж, зохицуулалтын тодорхой байдал нь зах зээлийн тогтвортой байдлыг бэхжүүлэхээс гадна крипто салбарын инновацыг АНУ-даа хадгалж үлдэх стратегийн чухал алхам болно хэмээн онцоллоо.